Isomo rya mbere : Heb 5,1-10

Isomo ryo mu ibaruwa yandikiwe Abahebureyi

Bavandimwe, ¹umuherezabitambo mukuru wese atorwa mu bantu, kandi agashyirirwaho gufasha abantu mu mubano wabo n’Imam; ashinzwe guhereza amaturo n’ibitambo bihongerera ibyaha. ²Ubwo na we ari umunyantege nke muri byinshi, ashobora kumva abatarasobanukirwa bagihuzagurika; ³kandi nk’uko atambirira ibyaha by’imbaga, na we aboneraho guhongerera ibye bwite. ⁴Nta wiha ubwe bwite icyo cyubahiro, ahubwo gihabwa uwo Imana ibihamagariye, kimwe na Aroni. ⁵Mbese nk’uko Kristu atihaye ubwe iryo kuzo ryo kuba Umuherezagitambo mukuru, ahubwo akaba yararihawe n’Uwamubwiye ati «Uri Umwana wanjye, ni jye wakwibyariye uyu munsi» ; ⁶kimwe n’uko avuga ahandi ati«Uri umuherezagitambo iteka ryose, wo mu cyiciro cya Malekisedeki.»⁷Mu gihe cy’imibereho ye yo ku isi, ni We wasengaga ba mu miborogo n’amarira, abitura Uwashoboraga kumurokora urupfu, maze arumvirwa kuko yagororokeye lmana. ⁸Nubwo yari Mwana bwose, ibyo yababaye byamwigishije kumvira; ⁹maze aho amariye kuba intagereranywa, abamwumvira bo se abaviramo isoko y’ubucungurwe bw’iteka. ¹⁰Imana yamugize Umuherezagitambo mukuru wo mu cyiciro cya Malekisedeki.

Kuzirikana : Zab 110 (109), 1,2,3

ZABURI

Inyik/ Uri Untuherezabitambo iteka ryose: Kristu na Nyagasani.

• Uhoraho yabwiye Umutegetsi wanjye ati
• «Icara iburyo bwanjye,
• kugeza igihe abanzi bawe
• mbagira umusego w’ibirenge byawe!» .

• Inkoni yawe y’ubutegetsi yuje ububasha,
• Uhoraho azayirambura igere kure, uhereye i Siyoni:
• «Ganza, ugenge abanzi bagukikije!»

• Wahawe ubutware kuva ukivuka,
• Wimikirwa ku misozi mitagatifu;
• «Mbese nk’urume rutonda rnu museke,
• uko ni ko nakwibyariye!»

• Uhoraho yarabirahiriye,
• kandi ntazisubiraho na gato,
• ati «Uri umuherezabitambo iteka ryose,
• ku buryo bwa Malekisedeki.»

Isomo rya kabiri :

Ibango-ndirimbo ribanziriza Ivanjili : Heb 4,12

Alleluya Alleluya.

• Ijambo ry’Imana ni irinyabuzima, ni irinyabushobozi,
• kandi rigacengera ibitekerezo by’umutima.

Alleluya.

Ivanjili Ntagatifu : Mk 2, 18-22

+ Amagambo yo mu lvanjili ntagatifu uko yanditswe na Mariko (Mk 2, 18-22)

¹⁸Umunsi umwe, abigishwa ba Yohani n’Abafarizayi bari basibye kurya. Nuko baraza babaza Yezu bati «Ni iki gituma abigishwa ba Yohani n’Abafarizayi basiba kurya, naho abigishwa bawe ntibasibe?» ¹⁹Yezu arabasubiza ati «Birakwiye se ko abakwe basiba kurya, umukwe akiri kumwe na bo? Igihe cyose bakiri kumwe n’umukwe ntibakwiye gusiba kurya. ²⁰Ariko hari igihe umukwe azabavanwamo, ubwo rero bazasiba kurya kuri uwo munsi. ²¹Nta we utera igitambaro gishya ku mwenda ushaje, kuko abigenje atyo, igishya cyakurura igishaje maze umwenda ukarushaho gucika. ²²Nta n’ushyira divayi nshya mu masaho ashaje, kuko divayi yasandaza amasaho maze divayi ikameneka, n’amasaho agapfa ubusa. Ubundi divayi nshya bajye bayishyira mu masaho mashya!»