Inyigisho ya 1 yo kuwa 5 mutagatifu, icyumweru cya 6 cy'Igisibo, C

Paruwasi Mutagatifu Petero Cyahafi

 

Amasomo :
Iz 52, 13 -15 ; 53, 1-12;
Zab 31 (30), 2ab.6, 12, 13-14ad, 15-16, 17.25;
Heb 4,14-16; 5, 7-9;
Yh 18, 1-40 ; 19, 1-42

Padiri SimpliceKuwa Gatanu Mutagatifu, ni umunsi twibuka ububabare n’urupfu ku bushake bw’Umwami wacu Yezu Kristu. Yezu yumviye ugushaka kw’Imana Data kugeza ku rupfu, ndetse ku rupfu rw’umusaraba. Ibyo kubera urukundo yari adufitiye.

Mu Isomo rya mbere umubabaro w’umugaragu w’Uhoraho umuhanuzi Izayi  atubwira ni Kristu. Ni we wababaye kubera ibyaha byacu. Bamugiraga icyo bashatse ntacyo avuze, baramusetse ntiyazamura ijwi rye, baramukwennye, bamukoza isoni. Ibyo byose Yezu yariyumanganije arabyemera kugira ngo akize isi, kugira ngo aduhe ubuzima  bw’iteka.

Mu Isomo rya kabiri batubwira ko Yezu ari umuherezagitambo mukuru, yasangiye kamere kacu muri byose, ndetse n’icyaha. Yababaye azi neza icyo ububabare ari cyo, yarashinyaguriwe, kandi yari azi icyo agashinyaguro ari cyo. Mu magambo make ni we ushobora kudutabara nk’uko bikwiye.

Invanjiri, itumenyesha ko nta kuzo nta masaraba, ikuzo n’umusarabara birajyana, nta bwo bitandukanye. Ni ukuvuga ko nta zuka hatabaye urupfu. Yezu yemeye gutwara umusaraba we, kandi wari uremereye. Yaguye incuro nyinshi, ariko akomeza inzira y’umusaraba kugeza i Golgota.

Natwe ni byiza ko twemeye gutwara imisaraba  yacu kugeza ku munsi wa nyuma. Kenshi na kenshi abenshi muri twe, bashaka kubona izuka ry’umwami wacu, ariko barasabye Imana ngo umusaraba we iwuhigike mu buzima bwabo.

Ngira ngo ukunda umubembe, amukundana n’ibisebe, kuko ibisebe n’umubembe badatandukanye. Natwe n’ubuzima bwa Kristu nuko bimeze. Nta bwo dutandukanya umusaraba na Kristu. Yego bamwe na bamwe barusha abandi imisaraba, kuko bafite ingorane zikomeye ariko si gombwa kwijujutira Imana kubera ibyo.

Mbere na mbere Yezu yari afite ubwigenge ku buzima bwe, ni cyo cyatumye avuga ati : « Ngicyo igitera  Data kunkunda, kuko ntanga ubuzima bwanjye kugira ngo mbusubirane. Nta we ubunyaga, ahubwo ni jye ubwanje ubutanga. Mfite  ububasha bwo kubutanga nkagira n’ububasha bwo kubwisubiza. Iryo ni itegeko nahawe na Data » Yh 10, 17-18. Muri ayo magambo, turabona n’ugushaka kw’Uhoraho, ko umwana wayo apfira ku musaraba, byerekanye ko Imana yicisha bugufi cyane kugira ngo ahagurukane abantu boye guhora hasi mu byaha.

Dusabe Nyagasani Imana yacu, kugira ngo adufashe mu kwemera kwacu.





Byanditswe : tariki ya 18 Gicurasi 2016 saa 09:23:34, ubu
Uwabitangaje : Saint Pierre CYAHAFI

֩ Ibitekerezo kuri iyi nkuru (0)

Nta gitekerezo kiratangwa kuri iyi nkuru, tanga agatego ube uwa mbere kugira icyo ubivugaho

Umugenzuzi

Funga Amazina:

Ijambo ry'ibanga:

Ohereza igitekerezo

Funga       
     

-
-


B I U URL    :) :( :P :D :S :O :=) :|H :X :-*

Ohereza ifoto (itarengeje 200 kb), ariko si ngombwa

Andika iri jambo ry'igenzura:   c2258