Amasomo :
Intu 15, 1-2.22-29
Zab 67 (66), 2b-3, 5, 7b-8
Hish 21, 10-14.22-23
Yh 14, 23-29

Ibyaditswe bitagatifu bifite ibisubizo mu ingorane zose zacu. Twumvise ko abantu bamwe bavuye muri Yudeya n’abavandimwe bo muri Antiyokiya ntibabyumvikana. Bafite amakimbirane hagati yabo kubera iyi nteruro : « niba mutigenyesheje uko Musa yabitegetse, ntimushobora gukizwa. » Pawulo na Barinaba bazi ko ibi bitekerezo arari byo, ko Yezu atapfusa ubusa amaraso ye ku musaraba. Mu kinyarwanda baravuga bati : izibana ntizibura gukomanya amahembe. Bisobanura ko ubuzima bwacu bujyana n’amakimbirane. Amakimbirane si ukuvuga gutandukanya burundu. Ariko ni byiza ko abagore bamenya ko sakwe sakwe isenya urugo

Abagabo nabo, mbega mwumvise cyangwa mwasomye hehe handitswe ko Yezu yirukane umwigishwa we kubera ko yitwaye nabi ? cyangwa kubera ko afite ingeso mbi? Ibyo Umwami wacu nta bwo yabikoze; none se kuki twebwe abakritu duhora tubikora, kuki twumva ko twakwirukana abagore bacu, kandi twararahiriye imbere Imana ko tutazigera dutandukana?

Dore ukuntu abakristu ba mbere babigenzaga mu gukiza amakimbirane yabo. Muri Bibiliya baranditse bati : akabonye umwe gapfa ubusa. Niba havutse ikibazo, ubwa mbere bahitamo abantu babiri cyangwa batatu kugira ngo babe abagabo, batangira mu miryango mito, iyo bidakunze, bagakomeza mu miryango mikuru, byakwanga bakazamuka mu kiliziya, byanze bikunze, ni hano barabirangiza. Nta bwo abakristu bajyanaga bagenzi babo imbere y’abacamaza. Bene ibyo bikorwa n’abapagani. Natwe ngira ngo nta bwo dukwiye kugenza nk’apagani.

Mu Ivanjili, turabona ko igihe kigera, niyo mpamvu Yezu arimo asezera abigishwa be. Bituma abahumuriza kugira ngo bagume mu rukundo n’amahoro y’Imana. Yezu yari azi neza ko ari gombwa ko abigishwa be batandukana n’imyitwarire itari myiza y’abandi bantu. Isi yacu ikeneye abantu bahamya iby’ukuri.  Abantu nta cyabatera gucika intege mu kazi kabo.

Yezu yashatse ko abigishwa be bashyira mu bikorwa ibyo bavuga. Kandi bagombaga gutanga urugero rwiza, mu buzima bwabo, muri byose. Ahubwo nta muntu n’umwe muzima uzemera gukurikira uwundi witwara nabi ku mugaragaro. Niyo mpanvu baca umugani bati : ihene mbi ntawe uyizirikaho iye.

Natwe mu buzima bwa gikristu tugomba gutandukanya n’abandi. Ibyo bisoboka gute ? Byaterwa na buri wese. Twese duhawe Roho Mutagatifu, ni we mutabazi wacu. Ni we arimo kudufasha kugira ngo dushobore gutandukanya ibibi n’ibyiza. Nta n’umwe ushobora gukora ibyiza atayobowe na Roho Mutagatifu. Iyo mubona umuntu ahora akora ikibi, mujye mumenya ko uwo muntu yahatswe na Sekibi. Kamere y’umuntu muzima wese ni gukora ibyiza.

P Simplice, MAfr